Satej Patil : विलासरावांचा 'तो' किस्सा सांगत सतेज पाटलांनी दिला आठवणींना उजाळा

लातूरमध्ये विलासराव देशमुख यांच्या पुतळ्याच्या अनावरणाचा कार्यक्रम रविवारी पार पडला. या कार्यक्रमाला देशमुख कुटुंबासह राज्यातील काँग्रेसच्या सर्व दिग्ग्ज मंडळींनी हजेरी लावली. या कार्यक्रमाप्रसंगी उपस्थित या नेते मंडळीनी दिवंगत नेते विलासराव देशमुख यांच्या विविध आठवणी व किस्से सांगत त्यांच्या स्मृतींना उजाळा देण्याचा प्रयत्न केला.

यावेळी माजी मंत्री व काँग्रेस (Congress) नेते सतेज पाटलांनी विलासराव देशमुख मुख्यमंत्री असतानाच्या काळातील अनेक किस्से सांगितले. मुख्यमंत्री असताना त्यांचा दिनक्रम कशा प्रकारचा होता. लातूरमध्ये आले की त्यांना कार्यकर्त्याचा गराडा कसा असत होता. ते नेत्यांची व कार्यकर्त्यांची कामे कशा पद्धतीने मार्गी लावत ते प्रत्येकांना कशा पद्धतीने खूष ते करीत होते, या आठवणीचा कप्पाच यावेळी उघडला.